திருப்பதியில் உள்ள கபிலேஸ்வர சுவாமி கோயிலில் கார்த்திகை மாத ஹோம மகோற்சவம் நடைபெற்று வருகிறது. இதன் ஒரு பகுதியாக, காமாட்சி அம்மனுக்கு 9 நாட்கள் நடைபெறும் சண்டி யாகம் நவம்பர் 18ம் தேதி தொடங்கியது. தொடக்க நாளில் சிறப்பு பூஜைகள், தினசரி ஹோமம் மற்றும் சண்டி ஹோமம் நடைபெற்றன. தொடர்ந்து 9 நாட்களுக்கு சண்டி பாராயணம், சஹஸ்ரநாம அர்ச்சனை உள்ளிட்ட வழிபாடுகள் நடைபெற உள்ளன. இதில் திரளான பக்தர்கள் பங்கேற்று அம்மனை வழிபட்டு வருகின்றனர்.
திருப்பதி கபிலேஸ்வரர் கோயிலில் காமாட்சி அம்மன் சண்டி யாகம் துவக்கம்
