வரதட்சணைக் கொடுமை புகார்.. மனைவி தற்கொலை- கணவர் கைது

கேரளம் மாநிலம், திருச்சூர் மாவட்டம் சாலக்குடி அருகே 22 வயதான எமில்டா, கணவர் அஃப்சலின் வீட்டில் தூக்கிட்ட நிலையில் மீட்கப்பட்டு மருத்துவமனையில் அனுமதிக்கப்பட்டார். கடந்த அக். 6-ம் தேதி நடந்த இச்சம்பவத்தில், சிகிச்சை பலனின்றி அவர் உயிரிழந்தார். கணவர் தன்னைத் தொடர்ந்து துன்புறுத்தியதாக எமில்டா தோழிகளிடம் தெரிவித்ததாகக் கூறப்படுகிறது. இதையடுத்து, வரதட்சணை மரணம் தொடர்பாக வழக்குப் பதிவு செய்த போலீசார், கணவர் அஃப்சலை கைது செய்து விசாரணை செய்து வருகின்றனர்.