கர்நாடக மாநிலம் ஹாவேரி மாவட்டத்தின் சவனூர் என்ற பகுதியில் இருந்து கும்தா சந்தைக்கு காய்கறிகளை விற்கச் ஒரு லாரி சென்று கொண்டிருந்தது. யெல்லாபூர் தாலுகாவில் உள்ள குல்லாபூர் கிராமத்திற்கு அருகில் சென்றபோது உத்தர கன்னடா மாவட்டத்தில் 50 மீட்டர் ஆழமான பள்ளத்தில் லாரி கவிழ்ந்தது. இந்த விபத்தில் லாரியில் பயணித்த 11 பேர் உயிரிழந்துள்ளனர். 15க்கும் மேற்பட்டோர் காயமடைந்துள்ளனர்.
லாரியில் 30-க்கும் மேற்பட்டோர் இருந்ததாக போலீஸார் சந்தேகிக்கின்றனர். அவர்களில் பெரும்பாலோர் சவனூரைச் சேர்ந்தவர்கள். காயமடைந்தவர்களை காவல்துறையினரும், அப்பகுதி மக்களும் மீட்டு அருகிலுள்ள மருத்துவமனைக்கு அனுப்பிவைத்தனர். மேற்குத் தொடர்ச்சி காவல் ஆய்வாளர் அமித் சிங் உள்ளிட்ட காவல் அதிகாரிகள் விபத்து நடந்த இடத்தைப் பார்வையிட்டனர்.
பள்ளம் காரணமாகவோ அல்லது ஓட்டுநர் சமநிலையை இழந்ததன் காரணமாகவோ லாரி கவிழ்ந்திருக்கலாம். விபத்துக்கான காரணத்தை நாங்கள் கண்டறிந்து வருகிறோம்.” என்று காவல் அதிகாரி ஒருவர் கூறியுள்ளார்.