கரூர் மாவட்டம், வாங்கல் காவிரி ஆற்றில் இருந்து ராட்சத்த கிணறுகள் அமைக்கப்பட்டு, ராட்சத்த குடிநீர் குழாய்கள் மூலம் திண்டுக்கல் மாவட்டத்திற்கு குடிநீர் வினியோகம் செய்யப்பட்டு வருகிறது. இந்த குழாய் கரூர் வாங்கல் காவிரி ஆற்றில் இருந்து சனப்பிரெட்டி அமராவதி ஆறு வழியாக தொழில் பேட்டை, நரிக்கட்டியூர் வழியாக திண்டுக்கல் ,வேடசந்தூர் சென்று அடைகிறது. இந்நிலையில் இன்று காலை தொழில் பேட்டை பகுதியில்
இருந்து நரிக்கட்டியூர் செல்லும் சாலையின் ஓரத்தில் பதிக்கப்பட்டுள்ள ராட்சத்த குடிநீர் குழாய் உடைப்பு ஏற்பட்டு குடிநீர் சாலையில் ஆறு போல் ஓடிக்கொண்டிருக்கிறது. காவிரி ஆற்றில் தண்ணீர் இல்லாத சூழலில், இருக்கும் தண்ணீரும் சாலையில் வீணாக ஓடுகிறதே என அப்பகுதி மக்களும், வாகன ஓட்டிகளும் புலம்பி கொண்டு சென்றனர்.