பள்ளி வேன் கவிழ்ந்து விபத்து.. 10க்கும் மேற்பட்ட மாணவர்கள் காயம்

ராமநாதபுரத்தில் பள்ளி மாணவர்களை ஏற்றிச் சென்ற வாகனம் ஒன்று திடீரென ஓட்டுநரின் கட்டுப்பாட்டை இழந்து சாலையோர வயலில் கவிழ்ந்து விபத்துக்குள்ளானது. இந்த விபத்தில் வேனில் பயணித்த 10-க்கும் மேற்பட்ட மாணவ, மாணவிகள் காயமடைந்தனர். சத்தம் கேட்டு ஓடிவந்த பொதுமக்கள், மாணவர்களை மீட்டு உடனடியாக சிகிச்சைக்காக மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.