லோகேஷ் கனகராஜ் இயக்கத்தில் விஜய் நடிப்பில் கடந்த 19-ஆம் தேதி வெளியான லியோ படம் பாஸிட்டிவ் விமர்சனங்கள் உடன் நல்ல வரவேற்பை பெற்று வருகிறது. படம் வெளியான 4 நாட்களில் 400 கோடி வசூல் செய்துள்ளதாக தகவல்கள் வெளியாகி இருக்கிறது.
இந்த படத்தில் முக்கிய பிரபலங்கள் பலரும் அந்ததந்த கதாபாத்திரங்களில் சிறப்பாக நடித்திருந்தனர். அந்த வகையில், லியோவில் கெஸ்ட் ரோலில் நடிகை மடோனா, நடிகர் அனுராக் காஷ்யப் நடித்திருந்தனர். ஆனால், அவர்களுக்கு திரையில் நடிக்கும் நேரம் என்பது குறைவு தான்.
இந்நிலையில், படத்தில் விஜய்க்கு தங்கையாக நடித்த மடோனாவின் கதாபாத்திரம் குறித்து பலரும் விமர்சனம் செய்தனர். ஒரு சில காட்சிகளில் மட்டுமே வரும் மடோனா இப்படத்தை தவிர்த்திருக்க வேண்டும் என நெட்டிசன்கள் சிலர் தங்களது கருத்துக்களை எழுப்பினர். இதற்கு மடோனா பதிலளிக்கையில், “படத்தில் எனது கதாபாத்திரம் சிறிது, பெரியது என்றெல்லாம் பார்க்கவில்லை.
100% உழைப்பை கொடுத்தால் போதும், அந்த கதாபாத்திரம் சிறப்பாக வரும். நன்றாக பேசப்படும்” என பதிலடி கொடுத்துள்ளார். மேலும், தனது கேமியோவை ரகசியமாகவே வைத்திருந்தாராம். ஆனால், தனது அம்மாவிடம் மட்டுமே இந்த ரகசியத்தை சொன்னதாக கூறினார். மடோனா போலவே, நடிகர் அனுராக் காஷ்யபுக்கும் இந்த விமர்சனங்கள் எழுந்தது குறிப்பிடத்தக்கது.
லோகேஷ் இயக்கத்தில் நடிகர் விஜய்யை தவிர இந்த படத்தில் த்ரிஷா, கெளதம் மேனன், அர்ஜுன், மிஷ்கின், சாண்டி உள்ளிட்ட பல பிரபலங்கள் முக்கியமான கதாபாத்திரத்தில் நடித்திருந்தார்கள். 7 ஸ்க்ரீன் நிறுவனம் தயாரித்துள்ள இந்த திரைப்படத்திற்கு இசையமைப்பாளர் அனிருத் இசையமைத்திருந்தார்.