தமிழ்நாடு முதலமைச்சர் மு.க. ஸ்டாலினை இன்று (6.6.2023) தலைமைச் செயலகத்தில், அரசு கூடுதல் தலைமை வழக்கறிஞர் ஜெ. ரவீந்திரன் சந்தித்தார். சென்னை அண்ணா மேம்பாலம் அருகில் தோட்டக்கலை துறைக்கு சொந்தமான, 1,000 கோடி ரூபாய் மதிப்பிலான, 115 கிரவுண்ட் நிலம் சட்டப்போராட்டம் நடத்தி மீட்கப்பட்டதையொட்டி வாழ்த்துப் பெற்றார். உடன் தலைமைச் செயலாளர் முனைவர் வெ. இறையன்பு, வருவாய் மற்றும் பேரிடர் மேலாண்மைத் துறை கூடுதல் தலைமைச் செயலாளர் குமார் ஜயந்த், நில நிருவாக ஆணையர் எஸ். நாகராஜன் ஆகியோர் உள்ளனர்.
