மத்திய இடைநிலைக் கல்வி வாரியத்தின் தலைவராக மந்தீப் சிங் பண்டாரி நியமனம்

மத்திய இடைநிலைக் கல்வி வாரியத்தின் (CBSE) புதிய தலைவராக ஐஏஎஸ் அதிகாரி மந்தீப் சிங் பண்டாரி நியமிக்கப்பட்டுள்ளார். கூடுதல் செயலாளர் அந்தஸ்துக்கு இணையான பொறுப்பில் அவர் பதவி வகிப்பார் என மத்திய அரசு தெரிவித்துள்ளது. இதேபோல், விமான நிலையங்கள் வாரியத்தின் தலைவராக இருந்த விபின் குமார், மத்திய ஊரக வளர்ச்சித் துறை செயலராக நியமிக்கப்பட்டுள்ளார். பொருளாதார விவகாரங்கள் துறையின் கூடுதல் செயலராக ஆனந்த் சிங் பொறுப்பேற்க உள்ளார்.