தீபாவளிக்கு அரசு மருத்துவமனைகளில் சிறப்பு வார்டுகள் அமைக்க உத்தரவு!

தீபாவளி பண்டிகை முன்னெச்சரிக்கை நடவடிக்கையாக தமிழகத்தில் உள்ள அனைத்து அரசு மருத்துவமனைகள் மற்றும் மருத்துவ கல்லூரிகளிலும் தீக்காய சிறப்பு வார்டுகளை அமைக்க சுகாதாரத் துறை உத்தரவிட்டுள்ளது. இதன் ஒருபகுதியாக, சென்னை கீழ்ப்பாக்கம் அரசு மருத்துவக் கல்லூரி மருத்துவமனையில் 25 படுக்கைகள் கொண்ட சிறப்பு தீக்காய சிகிச்சை பிரிவு தொடங்கப்பட்டுள்ளது. மேலும், பட்டாசு விபத்துகளில் காயமடைவோருக்கு சிகிச்சை அளிக்க தேவையான மருந்துகள் கூடுதலாக இருப்பு வைக்கப்பட்டுள்ளதாகவும் மருத்துவமனை நிர்வாகம் தெரிவித்துள்ளது.