சேலம் மாவட்டம், ஓமலூர் அண்ணா நகரில் தனியார் பைக் ஷோரூம் ஒன்று செயல்பட்டு வருகிறது. இங்கு மோட்டார் சைக்கிள் விற்பனை மற்றும் சர்வீஸ் ஆகியவை செய்யப்படுகிறது. இந்தநிலையில், ஷோரூமில் பைக் வாங்குவதற்கு பல்வேறு தனியார் நிறுவனங்கள் மற்றும் வங்கிகள் கடனுதவி வழங்கி வருகிறது. இதனால், வாடிக்கையாளர்கள் கடன் உதவியுடன் இருசக்கர வாகனங்களை வாங்கி செல்கின்றனர்.
இந்நிலையில், பொட்டியபுரம் பகுதியை சேர்ந்த மாரியப்பன் என்பவரின் மகன் சித்தா என்பவர், கடந்த 3 மாதங்களுக்கு முன்பாக தனியார் வங்கியின் உதவியுடன் பல்சர் பைக்கை வாங்கியுள்ளார். இதைத்தொடர்ந்து இரண்டு மாதங்களாக மாதத்தவணை பணத்தை செலுத்தாமல் இருந்துள்ளார். இதனால், ஷோரூமில் இருந்த ஊழியர்கள் சித்தாவின் வீட்டுக்கு சென்று மாதத்தவணையை செலுத்துமாறு கேட்டுள்ளனர். இதனால் ஆத்திரமடைந்த சித்தா, தனது குடும்பத்தோடு ஷோ ரூமுக்கு சென்றுள்ளார்.
