கர்நாடகத்தில் பலத்த மழை கொட்டுவதால் அங்குள்ள அணைகளுக்கு நீர்வரத்து அதிகரித்துள்ளது. இதனால் மேட்டூர் அணைக்கு நீர்வரத்து கணிசமாக அதிகரித்து உள்ளது. இன்று காலை 8 மணி நிலவரப்படி அணைக்கு நீர்வரத்து 20,910 கனஅடியாக இருந்தது. அணையின் நீர்மட்டம் 46.80 அடி. அணையில் இருந்து குடிநீருக்காக வினாடிக்கு 1,003 கனஅடி திறக்கப்படுகிறது. அணையின் நீர் இருப்பு 15.856 டிஎம்சி.
மேட்டூர் அணையில் நேற்று காலை 8 மணிக்கு நீர்மட்டம் 43.83 அடியாக இருந்தது. இன்று காலை 46.80 அடியாக உயர்ந்தது. அதாவது ஒரே நாளில் 2.97 அடி உயர்ந்துள்ளது.