எடப்பாடி பழனிச்சாமினு சொல்லுங்க.. “ஷாக்” கொடுத்த அமைச்சர் செந்தில்பாலாஜி..

1081
Spread the love

கொரோனா பரவலை தடுக்க ஒவ்வொரு மாவட்டத்திற்கும் ஒரு அமைச்சரை நியமனம் செய்து தமிழக முதல்வர் ஸ்டாலின் உத்தரவிட்டுள்ளார். அந்த வகையில் கரூரைச் சேர்ந்த அமைச்சர் செந்தில்பாலாஜிக்கு சேலம் மாவட்டம் கூடுதலாக ஒதுக்கப்பட்டுள்ளது…  காலையில் கரூர், மாலையில் சேலம், இன்னொரு நாள் காலை சேலம் மதியம் கரூர் என்கிற ரீதியில் தொடர்ந்து கொரோனா ஆய்வு கூட்டங்களை நடத்தி வருகிறார் பம்பரமாக சுழன்று வருகிறார் அமைச்சர் செந்தில்பாலாஜி. அந்த வகையில் கடந்த 25ம் தேதி காலை சேலம் சென்ற அமைச்சர் செந்தில்பாலாஜி ஆய்வு கூட்டத்தை நடத்தியிருக்கிறார். காலை 10 மணிக்கு ஆரம்பித்த கூட்டம் மதியம் 2 மணிக்கு மேல் நடந்துள்ளது. அன்றைய தினம் சேலம் கலெக்டரை சந்திக்க முன்னாள் முதல்வர் எடப்பாடி பழனிச்சாமி நேரம் கேட்டிருந்தாக தெரிகிறது. ஆனால் ஆய்வுக்கூட்டம் மதியம் வரை நீடித்த நிலையில் கலெக்டருக்கு 2, 3 முறை எடப்பாடி பழனிச்சாமி போன் போட்டுள்ளார். ஒரு கட்டத்தில் வேறுவழியில்லாமல் கலெக்டர் போனை எடுக்க ”  நாங்க வரலாமா?” என எடப்பாடி பழனிச்சாமி கேட்டுள்ளார்.  கலெக்டர் போனை எடுத்ததும் அருகில் இருந்த அமைச்சர் செந்தில்பாலாஜி, யாரு சார்? என்ன? என கேட்க.. உடனே கலெக்டர் ” சார் எக்ஸ் சிஎம் பேசுறாரு” என  பதில் சொல்ல.. உடனே அமைச்சர் செந்தில்பாலாஜி.. ” சார்  என்ன எக்ஸ் சிஎம்மா? .. எடப்பாடி பழனிச்சாமினு சொல்லுங்கனு..” கூற.. செந்தில்பாலாஜியின் வார்த்தைகளை கேட்டதும் மறுமுனையில் இருந்த எடப்பாடி பழனிச்சாமி போனை கட் செய்து விட்டாராம்…தொடர்ந்து கூட்டம் நடந்திருக்கிறது…  

LEAVE A REPLY