பொங்கல் திருநாளையொட்டி தமிழகத்தின் பல்வேறு பகுதிகளில் ஜல்லிக்கட்டு போட்டி நடத்தப்படுகிறது. அந்த வகையில் புதுக்கோட்டை மாவட்டம் வன்னியன்விடுதியில் இன்று ஜல்லிக்கட்டு போட்டி நடந்து வருகிறது. இதில் இதுவரை வீரர்கள், பார்வையாளர்கள் உள்பட 36 பேர் காயமடைந்தனர். காயமடைந்த 36 பேரில் 4 பேர் மேல் சிகிச்சைக்காக அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனர். ஜல்லிக்கட்டு போட்டியில் தற்போது வரை 365 காளைகள் களம் கண்டுள்ளன. தொடர்ந்து இன்னும் சில சுற்றுகள் போட்டி நடைபெற உள்ளது. ஜல்லிக்கட்டு போட்டியையொட்டி அங்கு பலத்த பாதுகாப்பு ஏற்பாடுகள் செய்யப்பட்டுள்ளன.
