தமிழகத்தில் அண்மையில் நடந்து முடிந்த சட்டமன்றத் தேர்தலுக்குப் பிறகு, நடிகர் விஜய் தலைமையிலான தமிழக வெற்றிக் கழகம் (தவெக) புதிய அரசை அமைத்துள்ளது. தற்போது திமுக எதிர்க்கட்சி வரிசையில் உள்ளது.
இந்தச் சூழலில், மாநிலத்தில் சட்டம் ஒழுங்கு சீர்கெட்டுள்ளதாகக் கூறி ஆளுங்கட்சியான தவெக அரசை நோக்கி கனிமொழி எம்.பி. கடுமையான கேள்விகளை எழுப்பியுள்ளார்.
கனிமொழி எக்ஸ் (X) தளத்தில் எழுப்பியுள்ள முக்கியக் கேள்விகள்:
கடலூரில் இளம்பெண் படுகொலை செய்யப்பட்டுப் புதைக்கப்பட்ட சம்பவமும், தூத்துக்குடியில் இளைஞர் வெட்டிக்கொலை செய்யப்பட்ட கொடூரமும் தமிழகத்தில் சட்டம் ஒழுங்கு சந்தித்துள்ள பின்னடைவைக் காட்டுகிறது.
மாநிலத்தில் அதிகரித்து வரும் இத்தகைய குற்றச் சம்பவங்களின் தீவிரத்தை உணர்ந்து தவெக அரசு எப்போது முழுமையாகச் செயல்படப் போகிறது?
திட்டங்கள் முடக்கம்: தவெக அரசு தனது தேர்தல் வாக்குறுதியின் போது மகளிரின் பாதுகாப்புக்காகத் தொடங்குவதாக அறிவித்திருந்த ‘சிங்கப்பெண் சிறப்பு அதிரடிப்படை’ திட்டத்தை தற்போது நிறுத்திவைத்துள்ளது ஏன்?
அடுத்தடுத்துத் தொடரும் இத்தகைய கொடூரக் குற்றங்களைத் தடுத்து நிறுத்த இந்த அரசு என்னென்ன பாதுகாப்பு நடவடிக்கைகளை எடுக்கப் போகிறது?
மாநிலத்தில் புதிய அரசு பதவியேற்ற பிறகு சட்டம் ஒழுங்கு நிலை குறித்து எதிர்க்கட்சிகள் எழுப்பும் முதல் முக்கிய அரசியல் விமர்சனமாக இது பார்க்கப்படுகிறது.