தொண்டையில் சிக்கிய பலூன்.. மூச்சுத்திணறி 6வயது சிறுவன் பலி

திருப்பத்தூர் மாவட்டம் நாட்றம்பள்ளி அருகே பலூன் ஊதிக்கொண்டிருந்தபோது அது வெடித்து தொண்டையில் சிக்கியதில் 6 வயது சிறுவன் பரிதாபமாக உயிரிழந்தார். பச்சூர் பகுதியைச் சேர்ந்த குமார் – சத்யா தம்பதியினரின் இரட்டை குழந்தைகளான சோம்நாத், சேஸ்நாத் ஆகியோர் நேற்று இரவு வீட்டில் பலூன் ஊதி விளையாடினர். அப்போது சோம்நாத் ஊதிய பலூன் வெடித்து தொண்டையில் சிக்கியதால் மூச்சுத்திணறல் ஏற்பட்டு உயிரிழந்தார். சம்பவம் குறித்து போலீசார் விசாரணை நடத்தி வருகின்றனர்.