தஞ்சை மாவட்டம் கும்பகோணம் அரசு தலைமை மருத்துவமனையில் 3 பேர் டெங்கு காய்ச்சலால் பாதிக்கப்பட்டு சிகிச்சை பெற்று வருகிறார்கள். இவர்கள் 3 பேரும் ஐடியில் வேலை செய்யும் ஆண்கள். இவர்களில் 2 பேர் சென்னையில் இருந்தும் ஒருவர் பெங்களூரில் இருந்து காய்ச்சலுடன் வந்தவர்கள். இங்கு ரத்த பரிசோதனை செய்ததில் டெங்கு உறுதியானதால் அவர்களுக்கு தீவிர சிகிச்சை அளிக்கப்பட்டு வருகிறது.
திருவாரூரில் 11 வயது சிறுமி டெங்கு காய்ச்சலால் பாதிக்கப்பட்டு ஆஸ்பத்திரியில் அனுமதிக்கப்பட்டு உள்ளார். புதுக்கோட்டையில் 5 பேரும், திருவண்ணாமலையில் 5 பேரும் டெங்கு பாதிப்பால் ஆஸ்பத்திரியில் அனுமதிக்கப்பட்டுள்ளனர்.