நடிகர்ஸ்ரீகாந்த்தை தொடர்ந்து மேலும் பலர் கைதாகலாம்…. அதிர்கிறது கோலிவுட்

இந்த ஆதாரங்களை  திரட்டிக்கொண்ட    சென்னை போதைபொருள் தடுப்பு பிரிவு போலீசார் நேற்று  சென்னை   சாலிகிராமத்தில்  இருக்கும் நடிகர் ஸ்ரீகாந்தை  நுங்கம்பாக்கம் போலீஸ் நிலையத்துக்கு  வரும்படி  போனில் அழைப்பு விடுத்தனர். ஒரு  விவரம் கேட்க வேண்டும் அதற்காக வாருங்கள் என்றனர்.

போலீசார்…… அவரிடம் கொகைன் தொடர்பாக  எதுவும் கூறவில்லை.   ஸ்ரீகாந்த்தும்  போலீஸ் நிலையத்துக்கு சென்றார்.  அங்கு சென்றதும் தான்  கொகைன்  வழக்கில் வசமாக சிக்கிக்கொண்டோம் என்பதை உணர்ந்தார் ஸ்ரீகாந்த்.

முதலில் , தனக்கு இதில் எந்த தொடர்பும் இல்லை.   போதைபொருள் உபயோகிக்கும் பழக்கம் எனக்கு கிடையாது என்றார்.  இது தொடர்பாக போலீசாரிடம் வாக்குவாதமும் செய்தார்.

அப்போது தான் இந்த வழக்கில் ஏற்கனவே கைது செய்யப்பட்ட   பிரதீப் குமார்,  கானா நாட்டை சேர்ந்த  ஜான் ஆகியோர் அளித்த வாக்குமூலத்தின் அடிப்படையில் தான்  உங்களிடம் விசாரிக்கிறோம்.  பிரதீப்குமாருக்கு நீங்கள்  4 லட்சத்துக்கும் அதிகமான பணம் கொடுத்து  போதை  பொருள் வாங்கி இருக்கிறீர்கள். இதற்கான ஆதாரம் இதோ என  ஆன் லைன் ஆதாரங்களை காட்டினர்.

அதன் பிறகு  நடிகர் ஸ்ரீகாந்தால் எதுவும் பேசமுடியவில்லை. அதைத்தொடர்ந்து ஸ்ரீகாந்தை சென்னை ராஜீவ் காந்தி அரசு மருத்துவமனைக்கு அழைத்து சென்று ரத்த பரிசோதனை செய்தனர். அதில் ஸ்ரீகாந்த் கொகைன் பயன்படுத்தியது உறுதி செய்யப்பட்டது.

கொகைன் போன்ற  போதை பொருள் பயன்படுத்தி இருந்தால், 45 நாட்களுக்கு அதன்  சிம்டம்  ரத்தத்தில் இருக்கும். அந்த வகையில்  ஸ்ரீகாந்த் வசமாக சிக்கிக்கொண்டார். அதன் பிறகு அவரை மீண்டும்  வீட்டுக்கு அழைத்து சென்ற போலீசார்   வீட்டில் சோதனை போட்டனர். அங்கு   எதுவும் சிக்கியதாக தெரியவில்லை.

40முறை வாங்கிய போதை பொருளையும், இவரே பயன்படுத்தினாரா, அல்லது வேறு யாருக்காவது  சப்ளை செய்தாரா என்றும் போலீசார்  விசாரித்தனர். அதில்  சிலரது  பெயர்களை  ஸ்ரீகாந்த் கூறியதாக தெரிகிறது.

அதைத்தொடர்ந்து  ஸ்ரீகாந்தை  எழும்பூர்  கோர்ட்டில் ஆஜர்படுத்தினா். அவரை ஜூலை 7ம் தேதி வரை காவலில் வைக்க நீதிபதி உத்தரவிட்டார். அதன்பேரில்  நேற்று இரவு சென்னை புழல் சிறையில் ஸ்ரீகாந்த் அடைக்கப்பட்டார்.

தனக்கு முதல்வகுப்பு வழங்க வேண்டும் என  ஸ்ரீகாந்த் வைத்த கோரிக்கையை ஏற்ற நீதிபதி, அவருக்கு சிறையில் முதல் வகுப்பு வழங்க உத்தரவிட்டார்.  பின்னர் ஜாமீன் கோரப்பட்டது.  ஜாமீன் மனுவை போதை பொருள் தடுப்பு  நீதிமன்றத்தில் தாக்கல் செய்ய நீதிபதி உத்தரவிட்டார்.

ஸ்ரீகாந்த்,  அளித்த வாக்குமூலத்தின்படி இன்னும்  பல திரைத்துறையினர் இந்த வழக்கில் சிக்க வாய்ப்பு உள்ளதாகவும்  போலீசார் தரப்பில்  தெரிவிக்கப்படுகிறது.   திரைப்படங்கள் மூலம் ரசிகர்களுக்கு   பரபரப்பையும், விறுவிறுப்பையும் கொடுத்து வந்த  திரைத்துறையினரே இப்போது  அதிர்ச்சிக்கும், பரபரப்புக்கும் ஆளாகி இருக்கிறார்கள். ….. காரணம்  கைது நடவடிக்கை ஸ்ரீகாந்த்தோடு நிற்காதாம். மேலும் பல முக்கிய புள்ளிகள் சிக்குவதற்கான ஆதாரங்கள்  போலீசாரின் கையில் கிடைத்துள்ளதாம். எனவே வரும் நாட்களில் மேலும் பலர் கைதாகலாம் என்று கோலிவுட் வட்டாராம்  அதிர்கிறது.