தென்கிழக்கு வங்கக் கடலில் உருவாகும் ‘மோன்தா’ புயல், அக்டோபர் 27-ம் தேதி தீவிரமடையும் என இந்திய வானிலை ஆய்வு மையம் (IMD) கணித்துள்ளது. இன்று (அக்டோபர் 24) காலை உருவான காற்றழுத்த தாழ்வு பகுதி, மேற்கு-வடமேற்கு நோக்கி நகர்ந்து, அடுத்த 24 மணி நேரத்தில் வலுவடையும். 28-ஆம் தேதி இது தீவிரப் புயலாக மாற வாய்ப்புள்ளது. வங்கக் கடலின் தென்கிழக்குப் பகுதியில் வளிமண்டல சுழற்சி காரணமாக உருவான இந்தத் தாழ்வு, தமிழ்நாடு, ஆந்திரா, ஒடிஷா போன்ற மாநிலங்களை பாதிக்கலாம். IMD, புயல் வலுவை தொடர்ந்து கண்காணித்து, தினசரி அறிக்கைகள் வெளியிடும்.
வருவாய் மற்றும் பேரிடர் மேலாண்மை அமைச்சர் கே.கே.எஸ்.எஸ்.ஆர். ராமச்சந்திரன், மழையை எதிர்கொள்ள முன்னெச்சரிக்கை ஏற்பாடுகளைப் பட்டியலிட்டார். “ஏரிகளின் நீர்மட்டத்தைக் கண்காணிக்க உத்தரவிடப்பட்டுள்ளது. நிவாரண முகாம்கள் தயார் நிலையில் உள்ளன. மோன்தா புயலால் பெரிய பாதிப்பு இருக்காது” என்று அவர் தெரிவித்தார். கரையோரம் உள்ள மக்கள் பாதுகாப்பான இடங்களுக்கு செல்ல அறிவுறுத்தியுள்ளார். கடலுக்கு மீன்பிடிக்கச் சென்ற மீனவர்களை கரைக்குத் திரும்ப அறிவுறுத்தியுள்ளனர்.
அக்டோபர் 1 முதல் 24 வரை தமிழ்நாட்டில் 21.08 செ.மீ. மழை பெய்துள்ளது. ஆந்திராவை நோக்கி புயல் நகர்ந்துள்ளதால், சென்னை மற்றும் அதை ஒட்டிய மாவட்டங்களில் மழைக்கு வாய்ப்புள்ளது.நடப்பாண்டில் பருவமழை அதிகமாக பெய்யும் என எச்சரித்ததால், அதற்கேற்ப ஏற்பாடுகள் செய்யப்பட்டுள்ளன என்று அமைச்சர் ராமச்சந்திரன் செய்தியாளர் சந்திப்பில் கூறினார். “புயல் உருவாக உள்ள நிலையில் மழையை எதிர்கொள்ள மாவட்ட அதிகாரிகளுக்கு அறிவுறுத்தப்பட்டுள்ளது. கடலுக்கு மீன்பிடிக்கச் சென்ற மீனவர்களை கரைக்குத் திரும்ப அறிவுறுத்தியுள்ளோம்” என்று தெரிவித்தார்.
ஆந்திராவை நோக்கி ‘மோன்தா’ புயல் நகர்ந்துள்ளதால், சென்னை, வடக்கு மாவட்டங்களில் மழைக்கு வாய்ப்பு இருப்பதால், முன்னெச்சரிக்கை நடவடிக்கை எடுக்க ஆட்சியர்களுக்கு அறிவுறுத்தல் விடுக்கப்பட்டுள்ளது.வானிலை மையம், கனமழை பகுதிகளில் வெள்ள அச்சுறுத்தல் உள்ளதாக எச்சரித்துள்ளது. மக்கள், வானிலை அறிக்கைகளை கவனித்து, பாதுகாப்புடன் இருக்க வேண்டும். அரசு, நிவாரண உதவிகள் மற்றும் முகாம்களை தயார் செய்துள்ளது எனவும் அமைச்சர் கே.கே.எஸ்.எஸ்.ஆர். ராமச்சந்திரன் தெரிவித்துள்ளார். புயல் வலுவு அதிகரிக்கும் என்பதால், தென்னிந்திய மாநிலங்கள் எச்சரிக்கையுடன் இருக்க வேண்டும்.