இன்று அதிகாலை முதல் போகிப் புகையுடன் இணைந்த அடர் பனிமூட்டம் நிலவியதால், ஓடுதளத்தின் பார்வைத்திறன் சுமார் 300 மீட்டராகக் குறைந்தது. இதன் காரணமாகப் பாதுகாப்பு முன்னெச்சரிக்கையாகச் சேவைகள் மாற்றியமைக்கப்பட்டுள்ளன.
இன்று காலை வரை 9 விமானங்கள் ரத்து செய்யப்பட்டுள்ளன. இதில் சென்னையிலிருந்து புறப்பட வேண்டிய 5 விமானங்கள் மற்றும் சென்னைக்கு வரவேண்டிய 4 விமானங்கள் அடங்கும்.
குறிப்பாகப் மும்பை, டெல்லி, புனே, கோவை மற்றும் கொச்சி ஆகிய நகரங்களுக்கான சேவைகள் அதிகம் பாதிக்கப்பட்டுள்ளன.
ரத்து செய்யப்பட்ட விமானங்களில் பெரும்பாலானவை இண்டிகோ நிறுவனத்தைச் சேர்ந்தவை எனத் தகவல்கள் தெரிவிக்கின்றன.
தாமதம்: ரத்து செய்யப்பட்டவை தவிர, சுமார் 20-க்கும் மேற்பட்ட விமானங்கள் (சர்வதேச மற்றும் உள்நாட்டுச் சேவைகள்) 1 முதல் 3 மணி நேரம் வரை தாமதமாக இயக்கப்படுகின்றன. குறிப்பாகச் சிங்கப்பூர், மலேசியா மற்றும் துபாயிலிருந்து வந்த விமானங்கள் வானிலேயே வட்டமடிக்க வேண்டிய சூழல் ஏற்பட்டது. விமான நிலையத்திற்குப் புறப்படும் முன், உங்கள் விமானத்தின் தற்போதைய நிலையை அந்தந்த நிறுவனத்தின் இணையதளம் அல்லது செயலி மூலம் சரிபார்க்கவும்.
ரத்து செய்யப்பட்ட விமானங்களுக்குப் பதிலாக அடுத்தடுத்த விமானங்களில் பயணிகளுக்கு இடம் ஒதுக்கப்பட்டு வருகிறது. அவசரப் பயணம் இருப்பவர்கள் பெற்றுக்கொண்டு மாற்று வழிகளைத் தேர்ந்தெடுக்கலாம்.
இன்று மாலை வரை மிதமான பனிமூட்டம் நீடிக்க வாய்ப்புள்ளதால், மாலை நேர விமானச் சேவைகளிலும் சில நிமிடங்கள் தாமதம் இருக்கக்கூடும்.