இந்தியத் திரையுலகின் முன்னணி நடிகைகளில் ஒருவரான ராஷ்மிகா மந்தனா , சமீப காலமாகப் பெண்களைக் குறிவைத்து இணையத்தில் பரப்பப்படும் செயற்கை நுண்ணறிவு தொழில்நுட்பத்தைப் பயன்படுத்தி உருவாக்கப்பட்ட மார்ஃபிங் செய்யப்பட்ட ஆபாசப் படங்களுக்குக் கடுமையான கண்டனம் தெரிவித்துள்ளார். அவரது இந்த அறிக்கை, டிஜிட்டல் பாதுகாப்பு மற்றும் பெண்களின் கண்ணியம் குறித்த முக்கிய விவாதத்தை மீண்டும் கிளப்பியுள்ளது.
தகவல் தொழில்நுட்பம் உலகில் தற்போது பேசுபொருளாக உள்ள செயற்கை நுண்ணறிவு தொழில்நுட்பம், ஒருபுறம் ஆக்கப்பூர்வமான பலன்களைக் கொடுத்தாலும், மறுபுறம் சில சமூக விரோத சக்திகளால் துஷ்பிரயோகம் செய்யப்பட்டு வருகிறது.
பிரபலங்களின் புகைப்படங்களை அல்லது பொதுவான பெண்களின் படங்களை எடுத்து, ஏஐ கருவிகளின் உதவியுடன் ஆபாசமான அல்லது தவறாக வழிநடத்தும் வகையில் மாற்றி இணையத்தில் பரப்புவதுதான் இந்தத் துஷ்பிரயோகம் ஆகும். இது ஆழமான போலிகள் என அழைக்கப்படுகிறது.
இது சம்பந்தப்பட்ட நபரின் தனிப்பட்ட வாழ்க்கைக்கு மட்டுமின்றி, மனரீதியான பாதிப்புகளையும் ஏற்படுத்தும் கொடூரமான செயலாகும்.
ராஷ்மிகாவின் ஆவேச அறிக்கை..
கடுமையான விமர்சனம்: நடிகை ராஷ்மிகா மந்தனா தனது சமூக வலைத்தளப் பக்கத்தில் வெளியிட்டுள்ள அறிக்கையில், இந்தச் செயலைச் செய்தவர்கள் ‘தார்மீக வீழ்ச்சி’ அடைந்தவர்கள் எனக் கடுமையாகச் சாடினார்.
பெண்களின் பாதுகாப்பு: “ஒரு பெண்ணின் உருவத்தை அவள் சம்மதம் இல்லாமல், மிகவும் தவறான நோக்குடன் மாற்றி வெளியிடுவது என்பது அப்பட்டமான அத்துமீறல். இது ஒவ்வொரு பெண்ணின் கண்ணியம் மற்றும் பாதுகாப்பு உரிமையைக் கேள்விக்குள்ளாக்குகிறது,” என்று அவர் வலியுறுத்தினார்.
இத்தகைய குற்றங்களில் ஈடுபடுபவர்கள் மீது கடுமையான சட்ட நடவடிக்கை எடுக்கப்பட வேண்டும் என்றும், சைபர் கிரைம் பிரிவினர் இதில் அதிக கவனம் செலுத்த வேண்டும் என்றும் அவர் கோரிக்கை விடுத்துள்ளார் .
விழிப்புடன் இருங்கள்: நடிகை ராஷ்மிகா, தனது ரசிகர்களுக்கும் பொது மக்களுக்கும் ( இந்த மார்ஃபிங் படங்களின் ஆபத்து குறித்து விழிப்புடன் இருக்க வேண்டுகோள் விடுத்தார்.
“இணையத்தில் நீங்கள் காணும் அனைத்துப் படங்களும் உண்மை அல்ல. இது போன்ற தவறான படங்களைப் பகிராதீர்கள் அல்லது பரப்பாதீர்கள். ஒருவரின் தனிப்பட்ட வாழ்க்கையைப் பாதிக்கும் இத்தகைய செயல்களை ஆதரிக்காதீர்கள்,” என்று அவர் கேட்டுக்கொண்டார்.
கடந்த 2023ம் ஆண்டு டீப் பேக் மூலம் தன்னை ஆபாசமாக சித்தரித்து வீடியோ வெளியானபோது ராஷ்மிகா மந்தனா மிகப்பெரிய அளவில் வருத்தப்பட்டார். மத்திய அரசும் டீப் பேக், ஏஐ மூலம் வெளியாகும் தனிப்பட்ட நபரின் கண்ணியத்தை பாதிக்கக்கூடிய வீடியோக்களை நீக்கி அதுதொடர்பான நடவடிக்கைகளை மேற்கொண்டு வருகிறது குறிப்பிடத்தக்கது.