டில்லியில் தென்னாப்பிரிக்காவுக்கு எதிரான இரண்டு டெஸ்ட் தொடரில் இந்திய அணி 0-2 என்ற தோல்வியை (whitewash) சந்தித்துள்ளது. முதல் டெஸ்ட் கொல்கத்தாவில் 30 ரன்கள் தோல்வி, இரண்டாவது கவுகாத்தியில் 7 விக்கெட்டுகள் தோல்வி. இது இந்தியாவின் வீட்டு டெஸ்ட் சாதனைக்கு பெரும் தாக்குதல். கடந்த 6 வீட்டு டெஸ்ட்களில் 4 தோல்வி, நியூசிலாந்துக்கு தொடர் தோல்வி போன்றவை கம்பீரின் தலைமையில் நடந்தன. இந்தியாவின் வீட்டில் 25 ஆண்டுக்கு பின் தென்னாப்பிரிக்காவுக்கு தொடர் வெற்றி.கம்பீரின் தலைமையில் பேட்டிங் அணுகுமுறை கடும் விமர்சனத்திற்குரியது.
முதல் டெஸ்ட்டில் வாஷிங்டன் சுந்தரை 3-ஆம் இடத்தில் வைத்து, இரண்டாவதில் 8-ம் இடத்துக்கு தள்ளியது போன்ற முடிவுகள் டெஸ்ட் அணியின் அமைப்பை குலைக்கிறது என்று நிபுணர்கள் சாடுகின்றனர். ரசிகர்கள், “கம்பீருக்கு டி20 போதும்; டெஸ்ட்டுக்கு புதிய பயிற்சியாளர் தேவை” என்று கோருகின்றனர். BCCI இன்னும் அதிகாரப்பூர்வமாக எதுவும் கூறவில்லை, ஆனால் அவரது எதிர்காலம் சந்தேகத்திற்குரியது.
இதனையடுத்து, கம்பீர் செய்தியாளர்களிடம் பேசினார்: “நான் பயிற்சியாளராக இருந்தபோதுதான் இங்கிலாந்தில் தொடரை சமன் செய்தோம்; சாம்பியன்ஸ் கோப்பையை கைப்பற்றினோம். ஆசிய கோப்பையை வென்றோம். இந்த தோல்விக்கு அனைவரும் தான் பொறுப்பு. என்னிடமிருந்து தொடங்கி அனைவரும் மீதும் தவறு இருக்கிறது.” இந்திய கிரிக்கெட் தான் முக்கியம், நான் இல்லை என்று அவர் உறுதியாகக் கூறினார்.
அதனைத்தொடர்ந்து, “BCCI தான் என் எதிர்காலத்தை முடிவு செய்ய வேண்டும். இளம் வீரர்கள் கொண்ட இந்த அணி இன்னும் கற்றுக்கொண்டிருக்கிறது. பேட்டிங்கில் சிறப்பாக விளையாட வேண்டும். இங்கிலாந்து மண்ணில் நன்றாக விளையாடியபோதும், சாம்பியன்ஸ் டிராபி, ஆசிய கோப்பையை வென்றபோது இதே நான் பயிற்சியாளராக இருந்தேன்” என்று பாதுகாத்துக்கொண்டார்.
அவரது விளக்கம், தோல்விக்கு அணியமுழுவும் பொறுப்பு என்று ஏற்றுக்கொண்டாலும், தனது சாதனைகளை நினைவூட்டியது.இந்த விளக்கம் ரசிகர்களிடம் கலவையான எதிர்வினைகளை ஏற்படுத்தியுள்ளது. சிலர் “பொறுப்பேற்பது நல்லது” என்று ஆதரித்தனர்; மற்றவர்கள் “சாதனைகளை சொல்லி தப்பிக்கிறார்” என்று விமர்சித்தனர்.