Spread the love

இந்திய விண்வெளி ஆராய்ச்சி நிறுவனம் சார்பில் கஜா புயல் நிவாரணமாக சுமார் 14 லட்சத்து 35 ஆயிரம் ரூபாய் காசோலையை, இஸ்ரோ தலைவர் சிவன், முதல்வர் பழனிசாமியை நேரில் சந்தித்து வழங்கினார். பின்னர் சிவன் அளித்த பேட்டி: ‘இஸ்ரோ சார்பில் மாணவர்களுக்கான இளம் விஞ்ஞானி பயிற்சி திட்டம் அறிவிக்கப்பட்டுள்ளது. இதற்காக நாடு முழுவதும் எட்டு இடங்கள் தேர்வு செய்யப்பட உள்ளது. இதுவரை ஜலந்தர் மற்றும் அகர்டாலா ஆகிய இரண்டு இடங்கள் உறுதி செய்யப்பட்டுள்ளன. 

தமிழகத்தைப் பொறுத்தவரையில் திருச்சியில் பயிற்சி கூடம் அமைக்கப்படும்.  இதில் தமிழக மாணவர்கள் மட்டுமில்லாது, தென்னிந்திய மாணவர்களும் பங்கேற்பர். பயிற்சியில் மாணவர்கள் தயாரிக்கும் செயற்கைக்கோள்கள் சோதனை செய்தபின் இஸ்ரோ பெற்றுக் கொள்ளும். வருங்காலங்களில் அவை விண்ணில் செலுத்தப்படும். தற்போது மாணவர்கள் உருவாக்கியுள்ள சிறிய ரக செயற்கைக்கோள் கலாம் என்ற பெயரில் நாளை மறுநாள் விண்ணில் ஏவப்படுகிறது என்றார்.

LEAVE A REPLY