ஆங்கிலேயர்களுக்கு எதிராக சுதந்திர போராட்டத்தை தொடங்கி வீரமரணம் அடைந்த வீரபாண்டிய கட்டமொம்மனின் நினைவு நாள் இன்று. இதையொட்டி தமிழக அமைச்சர்கள் மா.சு, சேகர்பாபு, ராமச்சந்திரன் , மேயர் பிரியா உள்ளிட்டோர் சென்னையில் உள்ள வீரபாண்டிய கட்டபொம்மனின் சிலைக்கு மாலை அணிவித்து மரியாதை செலுத்தினர்.
முதல்வர் ஸ்டாலின் வெளியிட்டுள்ள எக்ஸ்தள பதிவில், ஆங்கிலேய ஆட்சிக்கெதிராகத் தமிழ்நாட்டில் தோன்றிய புரட்சிச் சுடர் வீரபாண்டிய கட்டபொம்மன் அவர்களின் நினைவு நாள்!
அந்நியரின் ஆதிக்கம் பொறுக்காமல், நெஞ்சை நிமிர்த்திப் போரிட்ட அவரது புகழ், தென்னாட்டின் வீரம் செறிந்த வரலாற்றுப் பக்கங்களில் எந்நாளும் ஒளிவீசும்! என்று கூறி உள்ளார்.