பாமக கட்சி வழக்கு: தனது அறைக்கு வரும்படி ராமதாஸ், அன்புமணிக்கு நீதிபதி உத்தரவு

அவ்வாறு இருக்கும் போது, நிறுவனரும், தலைவருமான ராமதாஸ் அனுமதியின்றி, அரசியல் ரீதியில் பல்வேறு கூட்டங்கள் நடத்துவது போன்ற நடவடிக்கையில் ஈடுபட்டு வருகிறார்.

டி.ஜி.பி.,யிடம் புகார் கட்சி தலைவரும், நிறுவனருமான ராமதாசின் அனுமதியின்றி, அன்புமணி 100 நாள் நடை பயணத்தை மேற்கொண்டு வருகிறார். இதற்கு எதிராக, டி.ஜி.பி.,யிடம் புகார் அளிக்கப்பட்டு உள்ளது.

இந்நிலையில், கட்சி பொதுக்குழு கூட்டம், வரும் 9ம் தேதி மாமல்லபுரத்தில் நடக்கும் என, கட்சியில் குழப்பத்தை ஏற்படுத்தும் வகையில், உள்நோக்கத்துடன் அன்புமணி அறிவித்துள்ளார்.

அன்புமணியின் இந்த அறிவிப்பால், சட்டம் -ஒழுங்கு பிரச்னை ஏற்பட வாய்ப்புள்ளது.எனவே, அன்புமணி அழைப்பு விடுத்துள்ள பொதுக்குழுவுக்கு தடை விதிக்க வேண்டும்.

இவ்வாறு அதில் கூறப்பட்டிருந்தது.  இந்த வழக்குஇன்று  நீதிபதி ஆனந்த் வெங்கடேஷ் முன்னிலையில்  விசாரணைக்கு வந்தது. வழக்கு தொடங்கியதும், நீதிபதி,  வழக்கு விசாரணை இப்போது வேண்டாம், ராமதாஸ், அன்புமணி ஆகியோரை  இன்று மாலை 5.30 மணிக்கு  என் அறைக்கு வரச்சொல்லுங்கள். நான் அவர்களிடம் பேசிக்கொள்கிறேன்.

இவ்வாறு நீதிபதி   கூறியதைத் தொடர்ந்து விசாரணை நிறுத்தப்பட்டது.  இன்று மாலை   தந்தையும், மகனும் இந்த வழக்கில் ஆஜராவார்கள்  என எதிர்பார்க்கப்படுகிறது.  தந்தை, மகன் இருவரையும் சமாதானமாக செல்லும்படி  நீதிபதி  அறிவுரை வழங்கலாம்  என்று எதிர்பார்க்கப்படுகிறது.

நீதிபதியின் இந்த உத்தரவு குறித்து அன்புமணி கட்சி நிர்வாகி வக்கீல் பாலு கூறியதாவது:

இந்த வழக்கை 5 நிமிடத்தில் முடித்து விடுவேன்.  உங்கள் இருவரின் நலன் கருதி தனது அறைக்கு வாருங்கள் வேண்டுகோள் வைத்தார். அதை ஏற்று அன்புமணி  இன்று நீதிபதி அறைக்கு வருவார்.  நாங்களும் சுமூகமாக போக விரும்புகிறோம்.

இவ்வாறு அவர் கூறினார்.