கூகுள் மேப்ஸ் மூலம் குடிபோதையில் ஒரு பெண் காரை ஓட்டி கடலுக்குள் சென்ற வீடியோ சமூக வலைதளங்களில் வைரலாகி வருகிறது. காரில் பயணித்த அவர், கூகுள் மேப்ஸ் மூலம் வாகனத்தை ஓட்டி வந்தார். ஆனால் அவர் நம்பிய கூகுள் மேப் அவரை கடலுக்கு அழைத்துச் சென்றது. கடலில் தவறி விழுந்த அவரை அப்பகுதி பொதுமக்கள் காருடன் மீட்ட வீடியோ தற்போது வைரலாகி வருகிறது.
அதிர்ஷ்டவசமாக, கார் கடலில் கவிழ்வதற்குள் காரில் இருந்த சுற்றுலா பயணிகள் இருவரும் பாதுகாப்பாக கார் கண்ணாடி வழியாக இருந்து வெளியே மீட்கபட்டனர். இன்ஸ்டாகிராம் பயனர் கிறிஸ்டி ஹட்சின்சன் இத வீடியோவை வெளியிட்டு உள்ளார்.
இச்சம்பவம் நடந்தபோது அவர் சம்பவ இடத்தில் இருந்ததாக கூறி உள்ளார். கூகுள் மேப் எப்போதும் சரியான வழியைக் காட்டாது, சில சமயங்களில் அது உங்களைத் தவறாக வழிநடத்தும், எனவே தெரியாத பகுதிகளுக்குப் பயணம் செய்யும் போது ஜிபிஎஸ்ஸை விட உள்ளூர்வாசிகளிடம் சரிபார்ப்பது நல்லது.