மும்பை : ஆசிய கோப்பை டி20 போட்டியின் ஒரு பகுதியாக செப்டம்பர் 14 ஆம் தேதி நடைபெறவிருந்த இந்தியா-பாகிஸ்தான் கிரிக்கெட் போட்டியை ரத்து செய்யக் கோரிய பொதுநல வழக்கை அவசரமாக பட்டியலிட உச்ச நீதிமன்றம் இன்று மறுத்துவிட்டது .
ஆசிய கோப்பை 2025 செப்டம்பர் 9 முதல் 28 வரை ஐக்கிய அரபு அமீரகத்தில் நடைபெற உள்ளது. இதில் இந்தியா மற்றும் பாகிஸ்தான் அணிகள் செப்டம்பர் 14 அன்று துபாயில் மோத உள்ளன. இந்த நிலையில், இந்த போட்டியை ரத்து செய்யக் கோரி உச்ச நீதிமன்றத்தில் ஒரு பொதுநல வழக்கு தாக்கல் செய்யப்பட்டது.
இருப்பினும், நீதிபதிகள் ஜே.கே. மகேஸ்வரி மற்றும் விஜய் பிஷ்னோய் ஆகியோர் அடங்கிய அமர்வு, இது வெறும் போட்டி என்று கூறி, இந்த விஷயத்தைக் கேட்கக்கூட மறுத்துவிட்டது.
பஹல்காம் பயங்கரவாதத் தாக்குதல் மற்றும் ஆபரேஷன் சிந்தூர் ஆகியவற்றிற்குப் பிறகு, பாகிஸ்தானுடன் கிரிக்கெட் போட்டியை இந்தியா விளையாடுவது தேசிய நலனுக்கு எதிரானது என்றும், தாக்குதலில் உயிர்களை இழந்த ஆயுதப்படைகள் மற்றும் குடிமக்களின் தியாகங்களை குறைத்து மதிப்பிடுவதாகவும் வாதிட்டு, தற்போது சட்டத்தை பின்பற்றும் 4 மனுதாரர்களால் இந்த பொதுநல வழக்கு தாக்கல் செய்யப்பட்டது.
இந்த வழக்கு நீதிபதிகள் ஜே.கே. மகேஸ்வரி மற்றும் விஜய் பிஷ்னோய் ஆகியோர் அடங்கிய அமர்வு முன் நேற்று விசாரணைக்கு வந்தபோது, “என்ன அவசரம்? இது ஒரு போட்டி, அது இருக்கட்டும்” என்ற நீதிபதி மகேஸ்வரி, போட்டி ஞாயிற்றுக்கிழமை நடைபெறுவதால் நாளையே வழக்கை விசாரிக்க வேண்டுமென மனு தொடர்ந்த நிலையில், பஹல்காம் தாக்குதலுக்குப் பிறகு பாகிஸ்தானுடன் இந்தியா கிரிக்கெட் விளையாடுவது மக்களின் உணர்வுகளை புண்படுத்தும்.
போட்டி திட்டமிட்டபடி நடக்கும், அவசர வழக்காக இதனை விசாரிக்க முடியாது என்று நீதிபதிகள் கருத்துக்கள் தெரிவித்து, இந்த விவகாரத்தில் அவசர விசாரணைக்கு நீதிமன்றம் மறுத்துவிட்டது. மேலும், ஆசியக்கோப்பை கிரிக்கெட் தொடரில் இந்தியா – பாகிஸ்தான் மோதும் போட்டியை ரத்து செய்ய முடியாது” என்று தீர்ப்பு அளித்தனர்.